Улсын аварга шалгаруулах боксын тэмцээн өнөөдөр 14:00 цагт эхлэх гэж байна.
Тэмцээн энэ сарын 17-ны өдрийг хүртэл явагдах ба нийт 28 байгууллага, клубын ширэн бээлийтнүүд эрэгтэйчүүдийн 10, эмэгтэйчүүдийн 8 жинд өрсөлдөх юм.
Олимпийн жилийн тэмцээн учраас түрүүлсэн тамирчин эрх олгох тэмцээнд оролцох юм. Тиймээс жин бүр өрсөлдөөнтэй байж таарна. Тэмцээнд Б.Батхүү, Азийн аварга Д.Отгондалай, мөн 56 кг-д Э.Идэрхүү, Б.Цэндбаатар, 69 кг-д ОУХМ З.Энхзориг нарын хүчтэнүүд өрсөлдөх юм. Долоон өдрийн турш эдгээр хүчтэний ширүүн өрсөлдөөнийг үзэх нь ээ.