Нийслэлийн Иргэдийн төлөөлөгчдийн хурлын сонгуульд оролцохоор 13 нам, хоёр эвсэл хүсэлтээ илэрхийлж, нийслэлийн Сонгуулийн хороонд хуульд заасан хугацаанд ирүүлжээ. Энэ сарын 5-ны өдрөөс Сонгуулийн тухай хууль тогтоомжид заасны дагуу нийслэлийн Иргэдийн төлөөлөгчдийн хурлын сонгуульд нэр дэвшүүлэх ажиллагаа эхэлсэн билээ.
Тиймээс Нийслэлийн сонгуулийн хорооноос улс төрийн нам, эвслүүдэд нэр дэвшигчээ сонгохдоо хууль тогтоомжид заасан шаардлагыг мөрдөж ажиллахыг хүсч, зөвлөмж хүргүүлжээ. Энэ дагуу өнөөдөр АН, МАН-ынхан хуралдаж Нийслэлийн иргэдийн төлөөлөгчдийн хуралд нэр дэвших гишүүдийн нэрийг тодруулахаар товлосон байна.