Монголын бүх ард түмний спортын XIV их наадмын хүрээнд зохиогдож буй XX зууны манлай, гавьяат дасгалжуулагч В.Батбаярын нэрэмжит боксын насанд хүрэгчдийн УАШТ өнөөдөр Спортын төв ордны “А” зааланд гурав дахь өдрөө явагдана. Тэмцээний хуваарийн дагуу эрэгтэй 49, 56, 60 кг, эмэгтэй 48, 60, 69 кг-ын жингийн хэсгийн хагас шигшээ болон шөвгийн наймын тоглолт болох юм.
Тэмцээнд 34 байгууллагын эрэгтэй 141, эмэгтэй 81 нийт 224 гаруй боксчин эрэгтэй 10, эмэгтэй найман жинд өрсөлдөж байгаа билээ. ОХУ-ын Буриад, БНХАУ-ын Өвөрмонголоос ч эмэгтэй тамирчид оролцож байна. Өвөрмонголын оролцож буй 54, Г.Цасанцэцэг, 57 кг-ын О.Доноо нар өрсөлдөгчөө хожиж, хагас шигшээд үлдээд байна.
Тэмцээний сүүлийн өдөр буюу ирэх ням гаригт эрэгтэй, эмэгтэй бүх жингийн алтан медалийн тулаан болно.