Манай улсад 29.7 сая эх мал тоолуулсан. Үүнээс 20 саяас доошгүй төл хүлээн авах төлөвтэй байгаа аж.
Өчигдрийн байдлаар оны эхний нийт эх малын 53.7 хувь буюу 15.9 сая хээлтэгч төллөж 15.6 сая төл бойжиж байна. Төл бойжилт 98.6 хувьтай байгаа аж. Аймгаар нь үзвэл, мал төллөлт Баян-Өлгий, Булган, Дархан-Уул, Дундговь, Завхан, Өвөрхангай, Сүхбаатар, Сэлэнгэ, Төв, Увс, Ховд, Хэнтий аймгууд 50-иас дээш хувьтай байгааг салбар яамнаас мэдээлэв. Харин том малын зүй бусын хорогдол 387.5 мянга байгаа аж. Хамгийн их хорогдолтой нь Баян-Өлгий, Ховд, Увс, Говь-Алтай аймаг байна.