“Өнөр” хорооллын гудамж дагуух замыг тавдугаар сарын 12-ноос 23-ны өдрийг хүртэл түр хугацаанд хаажээ.
Тодруулбал, Сонгинохайрхан дүүргийн 17 дугаар хороо “Өнөр” хорооллын гудамж, 32-ын гүүрнээс баруун урагш 34-ийн гүүр хүртлэх авто зам дагуу “Хасу мегавит” компаниас дулааны шугамын барилга угсралтын ажил, нийслэл, дүүргийн газрын албатай хамтран газар чөлөөлөлтийн ажлыг тус тус зохион байгуулах юм.
Уг ажилтай холбогдуулан дээрх замыг тавдугаар сарын 12-ны өдрөөс 23-ны өдрийг хүртэл түр хугацаагаар хаасан тул иргэд жолооч та бүхэн бусад замыг сонгож замын хөдөлгөөнд оролцохыг холбогдох байгууллагаас анхаарууллаа.