Цагдаагийн байгууллагад тавдугаар сарын 29-нөөс зургаадугаар сарын 4-ний хооронд хэрэг бүртгэлтийн 28 470, мөрдөн байцаалтын 2 868 хэрэг бүртгэгдсэн байна.
Түүнчлэн эдгээр хэргүүдэд мөрдөн шалгах ажиллагаа явуулж, 249 хэргийг прокурорын байгууллагад шилжүүлжээ. Тухайлбал, хүний амьд явах эрхийн эсрэг гурав, хүний эрүүл мэндийн халдашгүй байдлын эсрэг 115, өмчлөх эрхийн эсрэг 95, хөдөлгөөний аюулгүй байдал, тээврийн хэрэгслийн ашиглалтын журмын эсрэг арав, олон нийтийн аюулгүй байдал, ашиг сонирхлын эсрэг гурав, хүрээлэн байгаа орчны эсрэг найм, хүүхдийн эсрэг нэг, хүний бэлгийн эрх чөлөө халдашгүй байдлын хэрэг найм, нийтийн албаны ашиг сонирхлын эсрэг тав, хүний халдашгүй чөлөөтэй байх эрхийн эсрэг нэг хэрэг байна.