Улаанбаатар хотын хэмжээнд хазайж муруйсан шонтой, тэмдэг нугарсан,
унжсан, өнгө үзэмжээ алдсан тэмдэгүүдийг засч, сэргээж байна.
Тодруулбал, Замын цагдаагийн алба, “Улаанбаатар Зам засвар арчилалтын
газар” ОНӨААТҮГ-тай хамтран хазайж муруйсан шонтой, тэмдэг нугарсан,
унжсан, өнгө үзэмж алдсан, засч сайжруулах шаардлагатай нийт 414
тэмдэгийг засч, сэргээх ажлыг эхлүүлжээ.
Одоогийн байдлаар Баянгол, Сонгинохайрхан, Чингэлтэй дүүргүүдийн нутаг дэвсгэрт байрлах 220 тэмдэгийг сэргээн ажиллаж байна.