Зургаан сэдвийн хүрээнд Үндсэн хуульд нэмэлт, өөрчлөлт оруулах асуудлаар зохион байгуулсан санал асуулгын дүнг Зөвлөлдөх зөвлөлийн гишүүд нэгтгэж зөвлөмжөө боловсруулан Байнгын хороонд өргөн барьсан байгаа.
Зөвлөмжийг үндэслэн “эцэг” хуульд нэмэлт, өөрчлөлт оруулах ажлын хэсэг байгуулагджээ. УИХ-д суудалтай гурван намын төлөөлөл, эрдэмтэн судлаачид, УИХ-д суудалгүй намуудын төлөөллийг оролцуулсан ажлыг хэсгийн бүрэлдэхүүн санал асуулгын зөвлөмжийн хүрээнд энэ өдрүүдэд хуралдаж байна.
Зургаан сэдвээс хоёр танхимтай парламенттай болох, УИХ-ын өргөтгөсөн бүрэлдэхүүн Ерөнхийлөгчийг зургаан жилийн хугацаагаар нэг удаа сонгох гэсэн хоёр асуудал санал асуулгаар унасан. Харин “Засаг захиргаа, нутгийн удирдлагын тогтолцоог төгөлдөржүүлэх”, “Улс төрөөс хараат бус, мэргэшсэн чадварлаг, нэр хүндтэй төрийн албыг бэхжүүлэх”, “Төрийн хариуцлага, сахилга, шударга ёсыг бэхжүүлэх, хууль хэрэгжүүлэх тогтолцоог сайжруулах” сэдвүүд санал асуулгаар бүрэн дэмжигджээ.
Үндсэн хуульд нэмэлт өөрчлөлт оруулах хэсгийнхэн Зөвлөлдөх зөвлөлийн зөвлөмжийг суурь болгон ашиглана. Ингэхдээ ямар асуудлуудыг хэрхэн өөрчилж, юуг нэмж тусгах талаар байр сууриа нэгтгээд УИХ-аар хэлэлцүүлэх юм.
О.ӨНӨР