Зүүн Хойд Азийн хотуудын “Хотын ногоон хөгжил” форум 2 дахь өдрөө үргэлжилж байна. Өнөөдөр хот суурин газрын тогтвортой эрчим хүч, эрчим хүчний хэмнэлттэй барилга, байгууламж, усны менежмент сэдвээр хэлэлцэж, туршлага солилцож байна. Улаанбаатар хот ундны болон хэрэглээний усаа газрын гүнээс авдаг.
Нийслэлчүүдийн хэрэглээ жил ирэх бүр нэмэгдэх хандлагатай байгаа учраас өөр эх үүсвэрээс усны хэрэглээгээ авах зайлшгүй шаардлага тулгарч байгааг албаныхан онцолж байна. Тиймээс усны нөөцийг дахин тогтоох, усны эх үүсвэрийг хамгаалалтанд авах шаардлагатай гэж Нийслэлийн Засаг даргын орлогч Т.Бат-Эрдэнэ форумын үеэр онцолж байсан юм.