Үндэсний цэцэрлэгт хүрээлэн “Мика Монгол” ТББ-тай хамтран өнгөрсөн оны наймдугаар сараас эхлэн “Эко танхим” сургалт мэдээллийн төв байгуулах төсөл хэрэгжүүлж эхэлсэн билээ. Тэгвэл өнөөдөр уг төсөл дуусч, “Эко танхим” ашиглалтанд орлоо. Үндэсний цэцэрлэгт хүрээлэнгийн оффисд байрлах энэхүү танхимыг цаашид экологи байгаль орчны тулгамдсан нэгдсэн баазыг бий болгоно гэж албаныхан төлөвлөжээ. Эхний ээлжинд экологи, байгаль орчинтой холбоотой 500 гаруй ном, товхимолыг бүрдүүлж, уншигчид ашиглахад бэлэн болгожээ. Нээлтийн үеэр эрдэмтэн доктор Б.Чимид, Байгаль орчин ногоон хөгжил, аялал жуулчлалын яамнаас нийт 30 гаруй төрлийн 200 орчим номыг тус танхимын номын санд бэлгэн болгон, дурсгасан юм.