MNBA Үндэсний лигийн үзүүштэй нэгэн тоглолт Өвөрхангай болон Дархан-Уул аймгийн багуудын хооронд өчигдөр боллоо. Тоглолтын эхнээс онооны харьцаа ойролцоо үргэлжилсээр эцсийн мөчид 78-78 харьцаатай тэнцсэн юм. Ингээд нэмэлт цагт Дархан баг бага зэрэг илүү байсан ч Т.Билгүүн онцгой тоглолтоо гаргаж 10 оноог ганцаараа авснаар 88-88 болгож тэнцүүлсэн юм. Улмаар хоёр дахь нэмэлт цагийг сунгаж эхний таван оноог Т.Батсүх авч Өмнөговь багт давуу талын үүсгэв. Ингээд хоёр дахь цаг дуусахад 35 секунд үлдээд байхад Дарханы баг сэргэж гурав дараалсан холын шидэлтийг амжилттай болгож онооны зөрүүг 2 болгож ойртуулсан юм. Улмаар тэдэнд хугацаа бага байсан тул Өмнөговь багийн лидер Т.Билгүүн дээр алдаа гаргасан. Дарханы багийн эцсийн найдварыг энэ тоглолтын гол баатар Т.Билгүүн үгүй хийж хоёр шидэлтээ амжилттай гүйцэтгэжээ. Т.Билгүүний хувьд 38 оноог авч гайхалтай байсан бөгөөд энэ MNBA Үндэсний лигийн энэ улирлын хамгийн өндөр оноог аваад байна.
MNBA Үндэсний лигийн Дэд хэсгийн хоёр дахь тоглолт Завхан болон Увс аймгийн багуудын хооронд болж завханчууд хожил авлаа. Улирлыг хожигдлоор эхлүүлсэн хоёр багт хожил чухал байсан бөгөөд тэд маш тэмцэлтэй тоглолтыг үзүүлсэн юм. Хамгаалалт сайн хийгдсэн эхний хагас болж 39-32-оор Завхан аймаг эхний хагаст илүү дуусгасан. Гэхдээ гуравдугаар Увс аймаг сэргэж эсрэг багтаа найман оноо алдаж өөрсдөө 21 оноог авч гайхалтай байсан. Ингээд 4-р үе Увс Нуур багийн зургаан онооны илүүтэй эхлэсэн юм. Гэсэн ч Завхан аймаг шийдвэрлэх үед холын зайн шидэлтүүдээ амжилттай болгож эхлэснээр 70-66-аар хожлоо. Энэхүү тоглолтын шилдгээр 16 оноо, 6 самбар, 6 оновчтой дамжуулалтыг өгсөн спортын мастер Б.Энхдолгион нэрлэгдсэн байна.