Өмнөговь аймагт шатахуун 100-150 төгрөгөөр буурлаа. Ингэснээр АИ-92-ыг 1740 төгрөг, АИ-80-ыг 1550 төгрөг, дизель түлшийг 1780 төгрөгөөр борлуулахаар болжээ. Уг хямдрал нь “Шатахууны үнийг тогтворжуулах арга хэмжээ”-ний нэг хэсэг юм. Энэ арга хэмжээний нээлтэд Уул уурхайн яамны сайд Р.Жигжид, аймгийн Засаг дарга Б.Бадраа болон холбогдох мэргэжлийн хүмүүс оролцжээ.
“Шатахууны үнийг тогтворжуулах арга хэмжээ”-г Монгол Улсын Засгийн газар, Уул уурхайн яам, Газрын тосны газар, шатахууны худалдаа эрхлэгчид хамтран хэрэгжүүлж байна. Энэ арга хэмжээ нь алслагдсан бүс нутгийн шатахууны үнийг төвийн бүсийн үнэтэй ойролцоо болгох зорилготой юм.