Өмнөд Солонгосын Кванжү хотод буулгахаар бэлдэж байсан таван давхар барилга автобус дээр нурсны улмаас есөн хүн амиа алдаж, найман хүн гэмтэж бэртжээ. Үндэсний гал хамгаалах албаны мэдээлснээр 17 хүн тээвэрлэж явсан уг автобус барилгын дэргэд түр зогсож байх мөчид байшин нуржээ.
Аврагчид нуранги дороос амьд үлдсэн хүн байж магадгүй хэмээн эрэн хайх ажиллагаа явуулж байна. Одоогоор байшин нурсан шалтгаан тодорхойгүй байгаа аж.
Тус барилгыг байсан бүх ажилчдыг байшин нурахаас өмнө нүүлгэн шилжүүлсэн байжээ. Байшин автобус дээр нуран унаж буй бичлэгийг нийгмийн сүлжээнд тавьсан байна.
Нурсан барилгын эсрэг талын дэлгүүрийн эзэн яг л газар хөдөлж байгаа мэт санагдсан гэжээ. “Би замаа ч харж чадахгүй байсан. Бүхэлдээ манан буусан мэт болчихсон байлаа. Дараа нь би гудамжны камерын бичлэг хараад автобус дээр байшин нуран унасныг мэдсэн” гэжээ.
1995 онд Өмнөд Солонгосын Сөүл хотноо “Сампун” хэмээх таван давхар худалдааны төв нурсны улмаас 500 гаруй хүн амиа алдсан байна.