БНХАУ-ын ӨМӨЗО-ны Ардын Засгийн газрын Хэвлэл мэдээллийн алба, Улаан загалмай нийгэмлэг коронавирусийн халдвартай тэмцэхэд Монгол Улсад 60 мянган амны хаалт, 20 мянган бээлий, 210 мянган юаниар дэмжлэг үзүүллээ.
ӨМӨЗО-ны Ардын Засгийн газрын Хэвлэл мэдээллийн алба Монгол Улсын Соёлын яам, МУЗН, МСНЭ-д хандив өгөх арга хэмжээгээ өнөөдөр /2021.03.12/ цахимаар зохион байгууллаа.
БНХАУ-ын ӨМӨЗО-ны Ардын Засгийн газрын төлөөлөгчид “ Хятад-Монгол хоёр орны харилцаа, хамтын ажиллагаа үр дүнтэй үргэлжилсээр ирсэн. Монгол Улсад цар тахалтай тэмцэхэд зориулж БНХАУ-ын ӨМӨЗО-ны Ардын Засгийн газар амны хаалт, хамгаалалтын хувцас, бээлий зэргийг хандивлаж байсан. Энэ удаад Монгол Улсын Соёлын яам болон МСНЭ-д тус бүр 30 мянган амны хаалт, 10 мянган бээлий, МУУЗН-т 210 мянган юань хандивлаж байна. ” гэлээ.
МУЗН-ээс “Хоёр орны Улаан загалмай нийгэмлэг хамтын ажиллагаагаа үргэлжлүүлж байгаад баяртай байна. Бид та бүхний үзүүлсэн мөнгөн тусламжаар олон хүүхэдтэй эхчүүд, амьжиргааны түвшин доогуур өрхөд хүнсний тусламж олгох болно” гэсэн юм.