Улсын заан Ц.Баярсайханд холбогдох хэргийг шүүх хурал Сүхбаатар дүүргийн эрүүгийн хэргийн анхан шатны шүүхэд өнөөдөр товлогдсон ч хойшиллоо. Ц.Баярсайханы өмгөөлөгч эрүүл мэндийн шалтгааны улмаас хурлыг хойшлуулах хүсэлт гаргаснаар ирэх сарын 22 хүртэл хойшилжээ.
Ц.Баярсайхан нь бусдыг залилан их хэмжээний хохирол учруулсан хэрэг буруутгагдаж буй юм. Тэрээр “Мах импекс” компанийн хуурамч бичиг баримтаар бусдыг залилан 500 сая төгрөгийн хохирол учруулсан гэлцдэг. Хэргийг өнгөрсөн онд шүүхээр хэлэлцэн Ц.Баярсайханд 11 жилийн ял оноосон юм. Харин тэрээр давж заалдсанаар Давж заалдах шатны шүүхээс хэргийг мөрдөн байцаалтад буцаасан. Ийнхүү анхан шатны шүүх дахин эхэлж буй юм.