Монгол Улсын Ерөнхий сайд Л.Оюун-Эрдэнэ E-Business платформын нээлтэд оролцох үеэрээ эдийн засгийн өсөлтийн талаарх сэтгүүлчдийн асуултад хариулав.
Тэрбээр “Эдийн засгийн өсөлт 6% болсон нь иргэдийн амьдралд нөлөөлөх вэ гэвэл 6-7 сар орчимд мэдэгдэж эхлэхүйц хэмжээнд асуудлууд шийдэгдэнэ.
Улсын төсөв байнга тасалдалтай явж байсан бол зургаадугаар сарын 1-ний байдлаар багадаа 500 орчим тэрбум төгрөгийн ашигтай гарч байна гэж ойлгож болно. Оны эцэст нэг их наяд төгрөг хүрнэ гэсэн үг.
Өөрөөр хэлбэл, төрийн албан хаагчдын цалин, тэтгэвэр тэтгэмжийн зөрүүг арилгахад зарцуулах эх үүсвэр одоо л бүрдэж эхэлж байна” гэв.