Сэлэнгэ аймгийн Мандал сумын Түнхэл тосгоны “Ар матах-Уул” гэдэг газар гарсан түймрийг өчигдрийн 11:30 цагт бүрэн унтраажээ.
Гал түймэртэй тэмцэх газрын дарга, Онцгой байдлын хурандаа С.Залуухүүгээр ахлуулсан ажлын хэсэг түймэр унтраасан алба хаагчдыг Улаанбаатар хотод авчрах зорилгоор Зэвсэгт хүчний 303 дугаар ангийн Ми-171Е загварын нисдэг тэргийг ашигласан байна.
Одоогийн байдлаар Булган аймгийн Хангал сумын Сөрт багийн “Дуганы горхи”, Сэлэнгэ аймгийн Мандал сумын Түнхэл багийн “Эрээн дэв”, мөн Түнхэл тосгоны “Тайлч” гэдэг газар түймэртэй байна гэж ОБЕГ-аас мэдээллээ.