Монгол Улсын Ерөнхий сайд У.Хүрэлсүх Сүхбаатар аймгийн Халзан сумын хоёрдугаар багийн малчин Г.Мөнхбаяр, Сүхбаатар аймгийн Дарьганга сумын малчин Т.Батжаргал нарт “Улсын аварга малчин” цол тэмдгийг нь гардуулан өглөө.
Улсын аварга малчин шагналын болзлыг хангасан Г.Мөнхбаяр нь 33 настай залуухан нэгэн аж. Тэрээр сүүлийн гурван жилд 720 гаруй малыг зах зээлд борлуулсан төдийгүй мах аж ахуйдаа 92 сая төгрөгийн хөрөнгө оруулалт хийж, малынхаа эрүүл мэнд, чанарт онцгой анхаарал ажилласан байна. Г.Мөнхбаяр нь нэг малаас авах ашиг шимийг нэмэгдүүлэх зорилтынхоо хүрээнд хонин сүргээ мах-өөх-бүдүүн ноосны чиглэлээр, ямаагаа ноолуурын чиглэлд үүлдэр угсааг нь сайжруулжээ.