“Улаанбаатар цом” боксын олон улсын тэмцээн Хандгайт дахь “Их тамир” спортын ордонд гурав дахь өдрөө үргэлжилж байна. Тус тэмцээнд манай тамирчдаас 64 кг жинд Б.Чинзориг хүрэл медалийн болзол хангасан бол энэ жинд Г.Баярхүү, О.Норобал нар өнөөдөр медалийн төлөөх тулалдана. Мөн 49 кг жинд Г.Ган-Эрдэнэ хүрэл медалийн болзол хангасан бөгөөд дараагийн шатанд Индонезийн боксчинтой хүч үзэхээр болжээ. Түүнчлэн 56 кг жинд Х.Энх-Амар хүрэл медалийг гартаа оруулсан бөгөөд маргааш БНАСАУ-ын тамирчинтай мөнгөн медалийн төлөө тулалдахаар боллоо.
Энэ удаагийн тэмцээнд Рио 2016 олимпийн наадмын хүрэл медальт тамирчин Д.Отгондалай, Б.Түвшинбат, Э.Цэндбаатар нар өнжиж байгаа юм.