“Улаанбаатар хотын төв цэвэрлэх байгууламжийг шинээр барих” төслийн ажлыг гүйцэтгэх гэрээнд өнөөдөр гарын үсэг зурлаа. Төслийн ажлыг гүйцэтгэхэд шаардагдах барилгын материал, тоног төхөөрөмжийн ханган нийлүүлэлтийг Монгол Улсад үйлдвэрлэж байгаа дотоодын үйлдвэр, аж ахуйн нэгж байгууллагуудаас хангахаар тусгагджээ.
” Чайна тисижу сивил инженеринг групп ба Бээжин констракшн инженеринг групп консерциум гэх хоёр компани нэг нь 60, нөгөө нь 40 хувиар нийлж консерциум болон энэ төсөлд оролцож байна. Олон улсын стандарт шаардлагад нийцсэн, хамгийн дэвшилтэт технологийг энэ төсөл дээр ашиглаар болж байгаа юм.
Цэвэрлэх байгууламж ашиглалтад орсноор ахуйн бохир усыг Монгол Улс болон олон улсын стандартын шаардлагыг ханган цэвэрлэж, Туул гол, хүрээлэн буй байгаль орчны бохирдлыг буурах юм. Түүнчлэн шинэ цэвэрлэх байгууламжийн цэвэрлэсэн усыг АНУ-ын Мянганы сорилын сангийн буцалтгүй тусламжийн компакт гэрээний хүрээнд хэрэгжих “Ус дахин боловсруулан дулааны станцуудын хөргөлтийн системд ашиглах төсөл”-ийн хүрээнд дахин үйлдвэрийн технологийн хэрэгцээнд ашиглаар болсон байна.
Гарын үсэг зурах ёслолын арга хэмжээг нээж БХБ-ын дэд сайд Б.Мөнхбаатар “Засгийн газрын 2016-2020 оны үйл ажиллагааны хөтөлбөрт тусгагдсан томоохон төсөл бүтээн байгуулалтын ажлуудын нэг нь шинээр барих цэвэрлэх байгууламжийн төсөл юм.
Одоогоор Улаанбаатар хотын төв цэвэрлэх байгууламж хоногт 160,000 метр/куб бохир ус хүлээн авч байгаа бол шинэ цэвэрлэх байгууламж нь хоногт 250,000 метр/куб бохир ус хүлээн авч цэвэрлэх хүчин чадалтай, лагийг дулааны аргаар бүрэн боловсруулж био хий гарган цэвэрлэх байгууламжийн дотоодын эрчим хүчнийхээ хэрэгцээг 50 хувь хангах эко шийдэл, дэвшилтэт шинэ технологитой. Цэвэрлэх байгууламжийн ажлыг энэ хавар эхлүүлж, 36 сарын хугацаанд, батлагдсан ТЭЗҮ-д тусгасан технологийн дагуу хуучин цэвэрлэх байгууламжийн залгаа байршилд барина.Төслийн нийт өртөг 267 сая ам.доллар. Хоёр улсын Засгийн газар хоорондын зээлийн ерөнхий хэлэлцээрийн хүрээнд төслийн ажлыг гүйцэтгэхээр “Чайна тисижу сивил инженеринг групп ба Бээжин констракшн инженеринг групп консерциум” шалгарч, өнөөдөр гарын үсэг зурж байна” хэмээв.