Манай улс ОХУ-тай харилцан визгүй зорчддог болсноос хойш хоёр орны иргэд аялал жуулчлал, бизнесийн чиглэлээр зорчих явдал эрс нэмэгдсэн билээ. Тэгвэл үүнтэй холбоотойгоор Улаанбаатар, Эрхүүгийн чиглэлийн шууд нислэгийн тоог нэмэхээр албаныхан ярилцаж байгаа юм байна. Эрхүү рүү “Аэро Монголиа” компани долоо хоногт хоёр удаа нислэг үйлддэг. Үүнийг цөөн байна гэж албаныхан үзэж байгаа ажээ.
Эрхүүд суух Монголын ерөнхий Консул Л.Амарсанаа нислэгийн тоог нэмэх боломжийг судлахыг Эрхүүгийн олон улсын нисэх буудлын азхиргаанаас хүсч, цаадуул нь байх боломжтой хамгийн дээд хэмжээг санал болгохоо амалсан гэнэ.
ОХУ руу зочиж буй бараг бүх монголчууд Эрхүүгээр дамжиж нисдэг. Энэ нь зардлын хувьд илүү хямд тусдаг юм.