Үндэсний агаарын тээвэрлэгч “МИАТ” компани энэ сарын 22-ноос Улаанбаатар-Бусаны чиглэлд шууд нислэг үйлдэнэ. Долоо хоног бүрийн пүрэв, ням гаригт тогтмол нислэг үйлдэх юм байна. Өмнө нь Монгол Улсаас зөвхөн Сөүл хот руу нислэг үйлддэг байсан бол ийнхүү БНСУ-тай холбогдох хоёр дахь шинэ урсгал нээгдэх нь.
Одоогоор “МИАТ” компани Боинг гурван ширхэг 737-800, хоёр Боинг 767-300 агаарын хөлгөөр Улаанбаатараас Бээжин, Хонконг, Сөүл, Токио, Москва, Берлин, Франкфурт хотуудад тогтмол нислэг үйлдэж байгаа аж. Мөн Хайнань, Чэжү арал, Японы Нагоя, Фүкүока, Бали арал руу захиалгат нислэг хийж байгаа юм байна.