Улаан хас чулууг БНХАУ руу гаргахыг завдсан зөрчлийг гаалийнхан илрүүллээ. Байгалийн хагас үнэт энэ чулууг өмнөд хөршид өндөр үнээр худалдан авдаг тул иргэд ийнхүү хууль бусаар гаргахыг завддаг байна.
Өмнөговь аймгийн Гурвантэс сумын иргэн 450 кг улаан хас чулууг хил нэвтрүүлэхийг завдсан хэргийг цагдаагийн байгууллагад шилжүүлсэн гэж Гаалийн ерөнхий газрын Хууль, эрх зүйн хэлтсийн байцаагч н.Тамираа хэллээ.
Дээрх хэргийг үйлдсэн иргэнд хуулийн дагуу хариуцлага хүлээлгэнэ. Ингэхдээ тээврийн хэрэгслийг нь хурааж улсын орлого болгон, шүүхээс наймаас дээш жилийн ял оноодог хуулийн заалттай юм байна. Өнгөрөгч онд энэ төрлийн 15 удаагийн тохиолдлыг гаалийн ажилтнууд илрүүлжээ.