Украйны Ерөнхийлөгч асан Петро Порошенкогийн коронавирусын шинжилгээнд эерэг хариу гарч, гэртээ эмчлүүлж байгаа аж. Тэрбээр энэ тухайгаа Telegram дээрээ бичжээ.
“COVID-ийн сорил эерэг гарсан … Одооноос би гэртээ эмчлүүлж байна. Би хурдан эдгэрнэ гэдэгтээ найдаж байна, бүх украинчуудыг өөрсдөдөө анхаарал тавихыг уриалж байна” гэж Украины ерөнхийлөгч асан бичжээ.
Наймдугаар сард Украины Ерөнхий сайд асан Юлия Тимошенко коронавирусын халдвар авсан гэсэн мэдээлэл гарсан. Украины хэвлэл мэдээллийн хэрэгслээр түүнийг амьсгалын аппараттай холбох шаардлагатай гэж бичсэн байв.
9-р сарын 11-нд Тимошенкогийн төлөөлөгч хэлэхдээ, уушгины хатгалгаа хэвээр байгаа ч улстөрчийн биеийн байдал сайжирсан, коронавирусын эсрэг сорил сөрөг гарч байгаа гэж мэдэгдсэн юм.