“Өдрийн сонин”-ы баасан гаригийн дугаар хэвлэгдэн гарлаа. Өдрийн сурвалжлага булангаараа есдүгээр сарын 1 дөхсөнтэй холбогдлуулан, Нарантуул, Оргил, Улсын их дэлгүүр зэрэг томоохон зах, худалдааны төвийн хичээлийн хэрэгслэлийн үнэ ханшийг сурвалжилсан бөгөөд худалдан авагч багатай, борлуулалт тааруу байгааг тус сурвалжлагаараа онцоллоо. Өчигдөр өрнөсөн улс төрийн чухал үйл явдал бол зургаан сайдыг чөлөөлөх шийдвэр гаргасан УИХ-ын ээлжит бус чуулган. Чухам энэ хурлаар зарим гишүүд өөрийн байр сууриа хэрхэн илэрхийлснийг УИХ-ын чуулган булангаас сонирхоорой. УИХ-ын гишүүн Ё.Отгонбаяр сайдуудыг огцруулах асуудлыг Ерөнхий сайд оруулж ирснийг өөрийн “Улс төрийн нөхцөл байдал улам тогтворгүй байдал руугаа явж байна” ярилцлагадаа шүүмжиллээ. Эдийн засагч Х.Батсуурийн Эдийн засгийн ил тод байдлын тухай болон Өршөөлийн тухай хуулиудыг баталснаар эерэг үр дүн авчрахгүй хэмээн өөрийн үзэл бодлыг илэрхийлсэн ярилцлагыг 12 дугаар нүүрнээс уншаарай. Энэмэтчилэн цаг үеийн чухал үйл явдлуудын талаарх мэдээ мэдээлэл, ярилцлага, сурвалжлагыг манай сонины өнөөдрийн дугаараас уншаарай.
Categories