Ардчилсан намын даргын сонгууль орон даяар үргэлжилж байна. Ардчилсан намын гишүүд сонгуульдаа идэвхитэй оролцож байна гэсэн мэдээлэл бий. Харин нэр дэвшигчид тус, тусын харьяаллын дагуу саналаа өгцгөөсөн байна. Тухайлбал, УИХ-ын гишүүн, АН-ын даргад нэр дэвшигч С.Эрдэнэ Баянгол дүүргийн “Энх-Орчлон” дээд сургууль дээр байрлах санал авах байранд очиж саналаа өгсөн байна. Тэрбээр “өнөөдөр бол түүхэн өдөр…Би их баяртай байна. Ардчилсан намын гишүүд маань уртаас урт дараалал үүсгэн намынхаа шинэчлэлийн төлөө саналаа өгч байна. Ийм л идэвхитэй, хүсэл тэмүүлэлтэй гишүүдийнхээ хамт Ардчилсан намаа шинэчлэх болно.Үүнд эргэлзэх зүйл огт үгүй” хэмээн сэтгэгдлээ илэрхийлжээ.