УИХ-ын даргын дэргэдэх зөвлөл өнөөдөр үдээс хойш хуралдах чимээ дуулдаж байна.
Уг хуралдаанаар УИХ-ын ээлжит бус чуулганыг хэзээ зарлан хуралдуулах вэ гэдгийг хэлэлцэх юм.
УИХ-ын даргын дэргэдэх зөвлөлийн бүрэлдэхүүнд УИХ дахь намын бүлгийн дарга нараас гадна Байнгын хороодын дарга нар багтдаг. Тус зөвлөлийн шийдвэрийг үндэслэж, УИХ-ын дарга захирамж гарган, ээлжит бус чуулганы товыг зарлах ёстой.
УИХ-ын ээлжит бус чуулганаар Монгол Улсын 2017 оны төсвийн төслийг хэлэлцэнэ. Сар шинийн өмнө Засгийн газрын ээлжит бус хуралдаан болж, Монгол Улсын 2017 оны төсвийн тодотголыг хэлэлцэн, дэмжсэн. Одоогоор Засгийн газар УИХ-д энэхүү төсвийн төслийг өргөн мэдүүлээгүй байгаа юм.