УИХ-ын чуулганы нэгдсэн хуралдаанаар Засгийн газраас өргөн мэдүүлсэн Нэмэгдсэн өртгийн албан татвараас чөлөөлөх тухай хуулийн төслийн анхны хэлэлцүүлгийг хийж дуусган, эцсийн хэлэлцүүлэгт бэлтгүүлэхээр холбогдох байнгын хороонд шилжүүллээ.
УИХ-ын гишүүн Д.Ганбат: Өвс, тэжээлийг малчдад зээлээр өгөх боломжтой юу.
ХХААХҮ-ийн сайд З.Мэндсайхан: Гадаад зах зээл дээр өвс, тэжээлийн үнэ өсөөд байна. Гэтэл бидэнд дутагдалтай. Бид үнийн өсөлт, дутагдалаас сэргийлж энэ арга хэмжээг авч байгаа.
Жишээ нь, ОХУ-д ирэх хоёрдугаар сараас улаанбуудайнд квот тогтоох гэж байна. Оросод улаанбуудайн үнэ нэмэгдэнэ. Энэ эрсдлээс өрсөж арга хэмжээг авч байгаа юм. УОК-оос өнжмөл өвсийг шинэ гарсан өвстэй холиод малчдад үнэгүй өгөх шийдвэр гарсан. Аймгийн Засаг дарга нартай цахимаар хуралдахдаа энэ шийдвэрээ танилцуулсан. Өвс тэжээлийн зээлээр авах боломж нь ААН-үүдэд байгаа. Малчид, ААН-үүд хоорондоо тохиролцоод явах боломжтой.
Одоо чуулганы нэгдсэн хуралдаанаар Засгийн газраас өргөн мэдүүлсэн хийж байна. Япон улсаас авах $233 саяын зээлийн асуудлыг хэлэлцэж байна.