Ургах нартай уралдан “Өдрийн сонин” уншигчдынхаа гарт хүрлээ. Баасан гаригийн дугаарын тэргүүн нүүрэнд дэлхий болон монголд хүний эрхийн байдал ямар байгаа талаарх цаг үеийн мэдээллийг онцоллоо. “Энвест интернэшнл” олон улсын байгууллагаас өчигдөр 2015 онд дэлхий дахинд болон Монгол Улс дахь хүний эрхийн төлөв байдал ямар байсныг танилцууллаа. “Энвест интернэшнл” олон улсын байгууллага дэлхийн 150 гаруй оронд үйл ажиллагаагаа явуулдаг бөгөөд жил бүр хүний эрхийн байдал дэлхийн улс орнуудад ямар байгааг тайлагнадаг билээ. Эх орноосоо дүрвэж байгаа хүмүүсийн тоо 60 саяыг хол давж, маш олон хүн сайн сайхан амьдралын төлөө, амьд байхын төлөө тэмцэн дүрвэж, далай тэнгист унаж, хүнд өвчин тусч үй олноороо нас барж байгаа энэ байдал нь 2015 он бол дэлхий дахинд хүний эрхийн асуудал хурцаар зөрчигдсөн жил болсон гэнэ. Энэ талаарх мэдээллийн үргэлжлэлийг зургадугаар нүүрнээс уншина уу.
Хоёрдугаар нүүрнээс УИХ-ын гишүүн, Өргөдлийн байнгын хорооны дарга Ж.Батзандангийн ярилцлагыг хүлээн авч уншаарай.
“Баримт, үзэл бодол” булангаас “Онгоц барьцаалсан гурвын цаад паян” нийтлэлийг унших боломжтой. Энэ сарын 13-ны өдөр Улаанбаатар-Москва-Берлин чиглэлд нисэх МИАТ-ийн онгоцыг 33 минут орчим саатуулжээ. Энэ хэргийн талаар дэлхийд анх удаа төрийн өндөр албан тушаалтай хүмүүс онгоц “барьцаалан” саатуулсан талаар гадны мэдээллийн сайтуудад тавьсан байна. Эл паянт явдлын талаар нийтлэлд юу гэж өгүүлснийг гуравдугаар нүүрнээс унших боломжтой.
Өчигдрийн “Сайдын цаг” уулзалтад Сангийн сайд Б.Болор, Татвар гаалийн ерөнхий газрын дараг С.Пүрэв нар оролцож Эдийн засгийн ил тод байдлыг дэмжих тухай хуулийн хэрэгжилтийн талаар мэдээллэсэн. “Сайдын цаг” уулзалтын талаарх дэлэгрэнгүй мэдээллийг тавдугаар нүүрнээс уншина уу.
Манай сонин С.Зориг агсны эхнэр Б.Булганы ээж Д.Байгальтай хийсэн ярилцлагыг цувралаар хүргэж байгаа билээ. Тэрбээр түүний охин одоо ямар нөхцөл байдалтай байгаа болоод хуулийн байгууллага, Б.Булганы өмгөөлөгч нарын талаар ярьсан юм. Түүний ярилцлагыг долдугаар нүүрээс сонирхоорой. Дэлхийд өчигдөр ямар үйл явдал өрнөснийг есдүгээр нүүрнээс тольдоно уу.
Амжилтаа тогтмол ахиулж яваа Их Британийн нэрт дуучин Адель өнгөрсөн оны өмнөхөн шинэ бүтээлээ үзэгчдэдээ толилуулсан билээ. Тэрээр ээж болсны дараа хэсэгтээ чимээгүй байсан юм. “Zeit Magazin”-д өгсөн түүнийг ярилцлагыг аравдугаар нүүрэнд орчуулан нийтэллээ.
“Туул усан цогцолбор” төслийн техник, эдийн засгийн үндэслэл, техникийн зураг боловсруулах талаар хэлэлцүүлэг уулзалт өчигдөр боллоо. Манай улс усан цогцолбортой болж Туул голын гадаргын усыг ашиглах талаар олон жил ярьж байгаа юм. Энэхүү төслийн захиалагч нь Ус сувгийн удирдах газар. Төслийн гүйцэтгэгчээр Солонгосын “Yooshin” инженеринг корпораци компани ахлан ажиллаж байгаа аж. Тус компанийн зүгээс “Туул усан цогцолбор”-ыг байгуулах техник, эдийн засгийн үндэслэлийг танилцуулж холбогдох мэргэжилтнүүд санал солилцсон юм. Энэ талаар Ус сувгийн удирдах газрын дарга С.Үнэнтэй хийсэн ярилцлага 11 дүгээр нүүрэнд хэвлэгджээ.
“Дэлхийн спорт” булангаас аваргуудын лигийн хасагдах шатны эхний тоглолтуудын мэдээ, мэдээллийг 12 дугаар нүүрнээс сонирхоорой.
“Овжин охид” киноны Сампилын дүрээр анх олонд танигдаж байсан Ц.Ганзоригтой хийсэн ярилцлагыг 13 дугаар нүүрнээс уншаарай.
Нийслэлийн эргэн тойронд өрнөж буй үйл явдал, НЗДТГ-аас ямар ажил хийхээр төлөвлөж байгаа, өрнүүлж байгаа талаарх мэдээ мэдээллийг хүргэдэг “Улаанбаатарын амьдрал” булангаа 15 дугаар нүүрнээс уншаарай. Эдгээр болон бусад цаг үеийн мэдээ мэдээллийг “Өдрийн сонин”-ы баасан гаригийн дугаараас хүлээн авч уншина уу.