Өглөө бүрийн ургах нарыг тантай хамт угтдаг “Өдрийн сонин”-ы шинэ дугаар танд хүрч байна. Пүрэв гаригийн энэ дугаар 16 нүүрээр хэвлэгдлээ.
Тэргүүн нүүрнээс Ардын намын зургаан сайдыг огцруулах тогтоолын төслийг Ерөнхий сайд өргөн барьсан тухай мэдээллийг онцоллоо. Мөн газар тариалангийн нөхцөл байдлын талаар “Гацуурт” компанийн ерөнхийлөгч Л.Чинбатын ярлцлага нийтлэгдсэн байгаа. Тэрбээр “Ургац алдахад бидний талаас ч бий. Р.Бурмаагийн талаас бүр их байгаа” гэж ярьжээ.
Улстөрчийн ярилцлагаас УИХ-ын гишүүн Ц.Оюунгэрэлийн ярилцлагыг уншаарай. Тэрбээр сүүлийн үед өрнөөд байгаа улс төрийн үйл явдал хийгээд цаг үеийн асуудлаар дэлгэрэнгүй ярьжээ.
Улс төр нүүрнээс УИХ-ын ээлжит бус чуулганы нэгдсэн хуралдаанаар хэлэлцсэн асуудлууд хийгээд Б.Болор гишүүний тодруулгыг унших боломжтой.
Баримт, үзэл бодол нүүрт нэр нийтлэлч Б.Цэнддоогийн “Монгол харагдах…” нийтлэл хэвлэгджээ.
Үзэл бодол нүүрт доктор, профессор Ч.Даваадашийн “Монголын нийгмийн шилжилтийн зарим онцлог, ээдрээ” нийтлэлийг үргэлжлүүлэн уншаарай.
Баримт, үйл явдал нүүрт хар тамхины хэрэгт холбогдоод байсан урлагийн төлөөллүүд ялтай байхдаа дахин гэмт хэрэг үйлдсэн тухай хөнджээ. Тухайлбал, “Дижитал”-ын Ш.Батбаяр, “Ice top”-ын Д.Манлайжаргал нар орон нутагт аялан тоглолтоор явж байхдаа мансууруулах бодис авч явж байсэн зэрэг мэдээллийг дэлгэрүүлэн уншаарай. Мөн энэ нүүрт Тэрхийн цагаан нуурт завиар аялж явсан хүмүүс осолдсон золгүй байдлын талаар мэдээллэжээ. Завь хөмрөхөд аврах хантааж өмссөн байсан дөрвөн эмэгтэй эсэн мэнд гарч, хантаазгүй байсан гурван эрэгтэй нь амиа алдсан байна.
Сав шим ертөнц нүүрт байгаль дээрх хамгийн амгалан тайван амьтны нэг нугас шувууны тухай өгүүллээ. Нугас дэндүү тайван болохоор бусад шувуу нь ихэд дээрлэхдэг ажээ.
Уншигч захиалагчдынхаа тоогоор ямагт тэргүүлдэг “Өдрийн сонин”-ы пүрэв гаригийн дугаарт улс оронд болоод дэлхий дахинд өрнөсөн онцлог үйл явдлууд цөм багтсан байгаа.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ