“Өдрийн сонин”-ы дэргэдэх www.admin.dnn.mn сайтын орлогч захирлаар Я.Баярбаатар ажиллахаар боллоо.
Я.Баярбаатар нь 2001 оноос эхлэн тус сонинд IT инженер, Дизайн компьютерийн төвийн даргаар ажиллаж байгаа манай туршлагатай боловсон хүчний нэг юм. Тэрбээр төрийн дээд шагнал “Алтан гадас” одон, байгууллагын болон салбарын шагналуудыг удаа дараа хүртэж байсан. Я.Баярбаатарын нэг онцлог нь IT инженерээс гадна сэтгүүлзүйд ч мэргэжлийн сэтгүүлчдээс дутахгүй бичдэг чадварлаг нэгэн. Түүний бичсэн “Дорноос мандсан гүн ухааны нар Күнз”, “Помпейн сүүлчийн шөнө буюу Визуви галт уул”, “Сэрүүн тунгалагийн орон Умард Солонгос”, “Гудамжинд нь гулгаж өссөн Дэнжийн мянга минь” зэрэг танин мэдэхүйн болоод аян замын нийтлэлүүдийг нь уншигчид шимтэн унших дуртай байдаг юм. Ялангуяа шинжлэх ухааны сүүлийн үеийн ололт, шинэ нээлт, од эрхэсийн тухай хамгийн сүүлийн үеийн мэдлэг мэдээллийг Я.Баярбаатар соргогоор мэдэрч уншигч түмэндээ хүргэдэг юм.