Өдөр тутмын чөлөөт хэвлэл “Өдрийн сонин”-ы 2015 оны анхны дугаар хэвлэгдэн уншигчдын гарт хүрлээ. Манай сонины анхны дугаарын “Танайд өнжье” буланд их наран улсад Монгол Улсынхаа нэрийг өндөрт өргөж яваа Монголын сумочдын алтан хараацай Кёкүтэнхо Н.Цэвэгнямынхаас бэлтгэлээ. Түүний олон сайхан амжилт ялалтын тухай үргэлжлэл нь 12, 13 дугаарт нүүрт хэвлэгдсэн байна.
Монголчууд сүүлийн жилүүдэд шинэ оны анхны нарыг Багахангай дүүрэгт угтдаг болсон. Тэгвэл 2015 оны нэгдүгээр сарын 1-ний өглөөний мандах нарыг манай сонины сэтгүүлч Э.Хүрэлбаатар сурвалжлага хийсэн юм. Энэ тухай үргэлжлэлийг арвандолдугаар нүүрээс тольдоорой.
Тэгвэл УИХ-ын гишүүн, Уул уурхайн сайд асан Д.Ганхуягийн “Хөрөнгө оруулалтын эрх зүйн орчин урт хугацаанд тогтвортой болсон” хэмээх сонирхолтой ярилцлагын эхлэл нэгдүгээр нүүрт багтсан бол үргэлжлэл нь хоёрдугаар нүүрт хэвлэгджээ. Тэрбээр өнөөгийн уул уурхайн салбар хийгээд гадны хөрөнгө оруулалтын тухай дэлгэрэнгүй ярьсан байна.
Нийтлэлч Д.Мөнгөндалай баримт үзэл бодлын гуравдугаар нүүрт “Энэ жилийн эерэг зураг”-ийн талаар буулгажээ. Энэ онд баригдах бүтээн байгуулалт, хийгдэх ажлууд, уул уурхайн томоохон төслүүд хөдлөөд эхэлбэл Монгол Улсад ямар ашигтай талаар дурджээ.
Харин манай сонины дөрөвдүгээр нүүрт Монгол Улсын Ерөнхийлөгчийн он солигдох мөчид ард түмэндээ хандан хэлсэн үг хийгээд цаг үеийн мэдээллүүд багтсан юм.
Улс төрийн тавдугаар нүүрт Засгийн газрын хуралдаан болон улс төрийн эргэн тойрон дахь үйл явдлын мэдээллийн багцыг шигтгэжээ. УИХ-ын гишүүн, ХАХНХ-ын сайд С.Эрдэнийн ярилцлага зургадугаар нүүрт багтав.
Долдугаар нүүрт Шинжлэх ухааны академийн эргэн тойрон дахь үйл явдал багтсан бол наймдугаар нүүрт 2015 оны өрнийн зурлага хэвлэгдлээ. Есдүгээр нүүрт дэлхийн мэдээ уламжлал ёсоор хэвлэгдсэн байна. Энэ мэтчилэн олон сонирхолтой үйл явдлаар дүүрэн шинэхэн дугаар уншигчдын гарт очсон билээ.