“Өдрийн сонин”-ы баасан гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
“Өдрийн сонин”-ы томилолтоор сэтгүүлч Д.Даваасүрэн “Буйр нууранд осолдсон загасчдын эмгэнэлт хэргийг мөрөөр” газар дээрээс нь очиж сурвалжлага бэлтгэлээ. Сурвалжлагад дөрвөн загасчны ар гэрийнхэнтэй уулзаж тухай бичжээ. Дэлгэрэнгүйгээр нь XIII нүүрнээс уншаарай. Мөн нийгэмд болж буй үйл явдлын эргэн тойронд буюу “Элсэлтийн ерөнхий шалгалтыг зохион байгуулагчид өөрсдийгөө бурхан гэж эндүүрч хүүхдүүдийн хувь заяаг шийдэж байна” сурвалжлагыг унших боломжтой. Энэ талаарх дэлгэрэнгүй мэдээлэл XV нүүрт хэвлэгдлээ.
Улс төрийн нүүрт МУБИС-ийн Улс төрийн коммуникацийн хүрээлэнгийн захирал, доктор, дэд профессор Ц.Мөнхцэцэгийн “Энэ удаагийн сонгууль мэдээллийн өлсгөлөн, хоосон орон зайд өрнөж байна” ярилцлага нийтлэгджээ. Мөн Ерөнхийлөгчийн Мьянмарын холбооны бүгд найрамдах улсад айлчилж буй мэдээлэл болон СЕХ-ны мэдээлэл судалгаа, аргазүйн хэлтсийн Ахлах референт Т.Гүенбаатарын “Одоогийн 14 аймаг, нэг дүүргийн сонгуулийн саналын хуудсыг хэвлээд байна” гэх тодруулгыг уншаарай. ШУА-ийн Олон улсын харилцааны хүрээлэнгийн Бүс нутаг, олон улсын байгууллага судлалын салбарын эрдэм шинжилгээний ажилтан, доктор Б.Цэнгэллахмын “Мьянмарчууд Монголын ардчилалд шилжсэн үйл явц, туршлагаас суралцах сонирхолтой байдаг” гэх сонирхолтой ярилцлага хэвлэгджээ. Та энэ талаарх дэлгэрэнгүйг VI нүүрнээс унших боломжтой.
“Өдрийн сонин”-ы нийтлэлийн бодлогыг тодорхойлж байдаг, нийгмийн нэгэн залуур чиг болж байдаг Баримт, үзэл бодлын гуравдугаар нүүрт нийтлэлч Д.Оюунтуяагийн “УИХ-ын гишүүн болох агуу хүслийн эхлэл нь арваа онц төгсөх юм” нийтлэл хэвлэгдлээ. Баримт, үйл явдал нүүрт цахим сэтгүүлзүйн шантаажны талаарх тэр бүр хүний мэддэггүй ноцтой мэдээллийг бичжээ. Та энэ талаарх дэлгэрэнгүйг VII нүүрнээс уншаарай. “Өөрөөс нь…” булангаас жүжигчин Ч.Ундралын “Би аль хэдийнэ уучилсан…” ярилцлагыг уншаарай.
“Миний аав” булангаас нэрт найрлагч Г.Доржсамбуугийн хүү Амараагийн “Аавын тоглосон олон киноноос “Говийн зэрэглээ”-гийн Арслангийн дүр сэтгэлд дотно санагддаг” ярилцлага хэвлэгдсэн байна. Та энэ талаарх дэлгэрэнгүйг XIII нүүрнээс уншаарай. Мөн “Өдрийн сонин”-ы уламжлалт нүүр болох Улаанбаатарын амьдрал, дэлхийн спорт буланд сонирхолтой ярилцлага нийтлэл хэвлэгджээ.