“Өдрийн сонин”-ы даваа гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Нэгдүгээр нүүрнээс Монгол Улсын урлагийн гавьяат зүтгэлтэн Л.Эрдэнэбулганыд өнжсөн сурвалжлагыг уншаарай. Уламжлалт “Танайд өнжье” буланг Л.Эрдэнэбулган найруулагчийн өргөө хоймроос бэлтгэн хүргэж, түүний урлагт нэгэн сэтгэлээр зүтгэсэн түүх хийгээд аж амьдралынх нь өрнүүн сайхан намтраас өгүүлэн нийтэллээ. “Танайд өнжье” буланг 12, 13 дугаар нүүрнээс дэлгэрүүлэн уншаарай.
УИХ-ын гишүүн Ө.Энхтүвшинтэй МАН-ын дотоод бодлого, цаг үеийн зарим асуудлын талаарх хийсэн ярилцлагыг сонирхон өнөөдрийн дугаартаа мөн онцоллоо. Тэрбээр хэвлэлд төдийлөн өгөөгүй сэдвүүдийг энэ ярилцлагадаа өгүүлсэн байна. Ярилцлагыг нэг, хоёр, дөрөв, тавдугаар нүүрт хэвлэлээ. “Өдрийн сонин”-ы гуравдугаар нүүрт гарсан аливаа нийтлэл нийгэмд шуугиан тарьж, нийгмийн оюун санааны хамгийн том талбар болж байдаг онцлогтой. Тэгвэл өнөөдрийн дугаарын гуравдугаар нүүрт нийтлэлч Д.Оюунтуяагийн “Сайхан амьдруулах муухай амлалт” хэмээх нийтлэл хэвлэгдлээ.
Харин сонины зургаадугаар нүүрээс Ерөнхий сайд Ж.Эрдэнэбатын орон нутгаар явсан ажлын талаарх сурвалжлага, тодруулга ярилцлагыг хүлээн авч унших боломжтой. Түүнчлэн Баримт, үйл явдлын долоодугаар нүүрнээс Нийслэлийн прокурорын газрын хяналтын прокурор Б.Батжаргалтай С.Зоригийн хэргийн талаар ярилцлсан ярилцлаг гарлаа. Тэрбээр энэ хэрэгт холбогдогчид илэрч, хэргийн мөрдөн байцаалт дуусах шатандаа яваа гэсэн юм.
Манай сонины 11 дүгээр нүүрний “Өөрөөс нь…” буланд философич С.Молор-Эрдэнийн ярилцлага гарлаа. Тэрбээр эрх чөлөө гэж юуг хэлж буй талаар өөрийнхөө тайлбарыг хийж, уншигчдын тэр бүр анзаардаггүй сонирхолтой өнцгүүдийг гаргаж ирж тайлбарласан байна. Үүнээс гадна 17 дугаар нүүрний “Уул уурхай” буланд гарсан “Монголчууддаа хямдхан нүүрс зарсныг нь шоронд хорьчихдог, хятадуудад зүгээр өгч байгааг нь яах бол?” гэсэн гарчигтай нийтлэлийг сонирхон уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ