“Өдрийн сонин”-ы пүрэв гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Нүүрсний худалдан авалт сэргэж эхэлжээ. Энэ талаар Уул уурхайн яамны Түлшний бодлого зохицуулалтын дарга Л.Раднаасүрэнгээс тодруулсан мэдээллийг нэг, XI нүүрнээс унших боломжтой.
Математик алгоритмаар сонгогддог гурван үгийн нийлбэр ямар нэг байршилд дахин давтагдахгүй байх боломжтой гэнэ. Их Британийн “What3Words” компани үүнийг ашиглан дэлхий нийтийг хаягжуулах программ зохион бүтээжээ. Тэгвэл Монгол Улс энэ программыг ашиглах анхдагч орон болж байгаа бөгөөд “Монгол шуудан” ХК тус компанитай хамтран ажиллах санамж бичигт гарын үсэг зуржээ. Энэ тухай дэлгэрэнгүйг нэг, 11 дүгээр нүүрнээс уншина уу.
Улс төрийн нүүрнээс УИХ-ын гишүүн Д.Ганхуягийн “Ирц багатай чуулганаар чанаргүй хууль баталчихвал иргэдэд сөрөг нөлөөтэй” ярилцлага, УИХ-ын гишүүн Кёкүшюзан Д.Батбаярын оффшор дансгүй гэдгээ баталгаажуулсан тухай ярилцлага, зарим аймаг, дүүргийн АН-ын хороод УИХ-ын сонгуульд нэр дэвших хүмүүсийнхээ нэрсийг гаргасан талаар болон цаг үеийн мэдээ мэдээллийг уншаарай.
“Өдрийн сонин”-ы нийтлэлийн бодлогыг тодорхойлж байдаг Баримт, үзэл бодлын гуравдугаар нүүрт манай сонины Орлогч эрхлэгч, Төрийн шагналт зохиолч, нэрт нийтлэлч Б.Цэнддоогийн “Баярцогт ба бөөс” нийтлэл хэвлэгдэн гараад байна.
Хөшигийн хөндийн нисэх онгоцны буудлыг олон улсын холбооноос хүлээн зөвшөөрөөгүй гэх мэдээлэл гараад буй. Энэ талаар Улаанбаатар хотын олон улсын нисэх онгоцны шинэ буудал барих төсөл хэрэгжүүлэх нэгжийн захирал Н.Энхбатаас тодруулсныг долдугаар нүүрнээс уншаарай. Мөн энэ нүүрнээс “Самсунг Си энд Ти” компанийн захирлыг цагдан хорьсон тухай унших боломжтой.
“Боловсрол” телевизээс зохион байгуулж буй “Яг түүн шиг” шоу нэвтрүүлгийн оролцогч дуучин Б.Амархүүтэй хийсэн ярилцлага, “Монгол цэргийн жавхаа-2016” цэргийн парадад “Хурд” хамтлаг оролцож ая дуугаа өргөх гэж байгаа талаар болон Урлагийн салбарынхны шилдгүүдийг тодруулдаг “Мөнгөн мод” наадмын цомын эздээр хэн хэн тодорсон тухай мөн унших боломжтой.
Замын хөдөлгөөний ачааллыг багасгахад маш чухал үүрэг гүйцэтгэх шинэ загварын тээврийн хэрэгслийг хятадууд зохион бүтээжээ. Тусгайлан тавьсан төмөр замаар явах уг тээврийн хэрэгсэл нь ирээдүйн нийтийн тээврийн хамгийн гол хэрэгсэл болох боломжтой аж. Энэ тухай 18 дугаар нүүрнээс уншаарай.
Олон улсын махны салбар гурван жил тутамд “Iffa” нэртэй хамгийн том үзэсгэлэнг зохион байгуулдаг. Энэ удаагийн үзэсгэлэн Герман улсын Франкфурт хотод энэ тавдугаар сарын дундуур зохиогдсон байна. Тус үзэсгэлэнд “Мах импекс” компани амжилттай оролцож алт, мөнгөн медалиуд хүртжээ. Энэ талаар 19 дүгээр нүүрнээс унших боломжтой.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ