“Өдрийн сонин”-ы даваа гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Булган аймгийн Могод сумын уугуул монгол Улсын заан Дамдинсүрэнгийн Лхагвасүрэнгийнд өнжиж, уламжлалт “Танайд өнжье” булангийнхаа шинэ дугаарыг хүргэж байна. Эл эрхэм эдүгээс 40 шахам жилийн өмнө ардын хувьсгалын ойн баяраар улсын заан цол хүртсэн юм. Түүний өргөө гэрийн хоймроос бэлтгэсэн сурвалжлагыг нэг, 12, 13 дугаар нүүрээс уншаарай.
УИХ-ын гишүүнээр шинээр сонгогдоод буй дуучин С.Жавхлангийн ярилцлагыг өнөөдрийн дугаартаа мөн онцолж байна. Түүнийг гишүүний түр үнэмлэхээ гардаад байхад нь манай сэтгүүлч уулзаж ярилцсан юм. “Жавхланг нам түшдэг болохоос Жавхлан хэзээ ч намд орохгүй” хэмээн тэрбээр ярилцлагадаа онцолж хэллээ. Түүний ярилцлагыг нэг, хоёрдугаар нүүрээс уншаарай.
“АН-ын дарга, УИХ-ын дэд даргаар Я.Санжмятавыг сонгох бололтой” хэмээх гарчигтай нийтлэлийг хоёрдугаар нүүрээс унших боломжтой. Улс төр судлаачид саяын сонгуулиар Я.Санжмятаваас өөр багаараа ялалт байгуулсан хүн байхгүй, түүнээр өнөөдөр АН-ыг удирдуулах нь нийгмийн сэтгэлзүйд зөв, эерэг харагдана хэмээн үзжээ.
““Өдрийн сонин” 184 мянган төрийн албан хаагчийг хамгаалах цайз болно” нийтлэлийг “Өдрийн сонин”-ы алдарт гуравдугаар нүүрт хэвлэлээ.
Харин Баримт, үйл явдлын долдугаар нүүрээс “С.Зоригийн хэрэг “гацаанд” орсон уу”, “Автомашин дотроо мансуурч байжээ” зэрэг үйл явдлын мэдээллийг уншаарай. С.Зориг агсны эхнэр Б.Булганыг цагдан хориод долоон сар болж байгаа. Гэтэл мөрдөн байцаалтын ажиллагаа зогсож, хэрэг “гацаанд” орсон байдалтай байгаа аж. Энэ тухай дэлгэрэнгүй мэдээллийг аваарай.
“Уран бүтээлч” буланд энэ жилийн Юндэнгийн дүрд тоглохоор шалгараад байгаа дуучин Бумхүүгийн ярилцлагыг хүргэж байна. “Учиртай гурван толгой” дуурийг наадмаар үзэгчдэд олонд хүргэж бөгөөд Юндэнгийн дүрд тоглох уран бүтээлчийг шалгаруулсан юм.
Монгол Улсын гавьяат тамирчин, нэрт бөхийн тайлбарлагч Ш.Чанарав агсны гэргий Л.Лириймаагийн ярилцлагаг болон цаг үеийн бусад мэдээ мэдээллийг өнөөдрийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ