FIBA 3х3 сагсан бөмбөгийн 18 хүртэлх насны буюу U18 дэлхийн аварга шалгаруулах тэмцээн үргэлжилж байна.
Монголын эрэгтэй шигшээ баг эхний тоглолтоо Доминиканы шигшээ багтай хийж тэнцүүхэн өрсөлдөөний эцэст 18:16 харьцаагаар хожигдлоо. Улмаар хоёр дахь тоглолтоо Унгарын шигшээ багтай хийж 16:14 харьцаагаар хожигдсон байна.
Унгар улсын Дебрецен хотод болж буй тэмцээнд нийт эрэгтэй 20, эмэгтэй 19 баг оролцож байгаа ба Монголын шигшээ багийн залуус тив дэлхийн шилдгүүдтэй өрсөлдөж байна.
Эрэгтэй баг дараагийн хоёр тоглолтоо ОХУ, Литвийн хүчирхэг багуудтай энэ сарын 27-нд хийнэ. Харин эмэгтэй баг өнөө шөнө хэсгийн сүүлийн хоёр тоглолтоо АНУ, Беларусийн шигшээ багуудтай хийнэ.
