Нийслэлийн ЗДТГ, Азийн хөгжлийн банктай хамтарч 10 жилийн хугацаатай “Гэр хорооллыг хөгжүүлэх, хөрөнгө оруулалтыг дэмжих хөтөлбөр”-ийг гурван үе шаттай хэрэгжүүлэхээр төлөвлөсөн. Хоёр тал хамтран “Гэр хорооллыг хөгжүүлэх хөрөнгө оруулалтын хөтөлбөр”, “Нийслэлийн тээврийг хөгжүүлэх тусгай замын автобус буюу BRT” зэрэг томоохон төслүүдийг хэрэгжүүлэхээр ажиллаж байна. Ингэснээр 2016 оноос Улаанбаатар хотод тусгай замын автобус иргэдэд үйлчилж эхлэх юм. Тусгай замын автобус гэдэг нь хурдан, найдвартай, багтаамж ихтэй, нийтийн тээврийн тогтолцоо юм. Өөрөөр хэлбэл газар дээрхи метро гэж ойлгож болох нь.
У.Ууганцэцэг