Тусгай дуут болон гэрэл дохио ашиглах журмыг шинэчилжээ

Тусгай дуут болон гэрэл дохио нь зөвшөөрөгдсөн өнгөнөөс хамааран ЗХДүрмийн зарим зүйл заалтыг мөрдөхгүй байх, хөдөлгөөнд оролцогч бусад жолооч нараас давуу эрхүүдийг олгодог. Харин сүүлийн үед замын хөдөлгөөний ачаалал эрс нэмэгдэж зарим иргэд, албан тушаалтнууд тусгай дуут болон гэрэл дохиог хэрэглэх болсон нь дэг журамд сөргөөр нөлөөлж эхэлсэн. Иймээс хэт замбараагүй болоод байгаа хэрэглээнд хязгаар тавьж журам тогтоох чиглэлээр Засгийн газраас үүрэг чиглэл өгсний дагуу зохион байгуулалтын арга хэмжээг Замын Цагдаагийн албанаас хэрэгжүүлж эхэлжээ. Ажлын хүрээнд 2016 онд батлагдсан “Тээврийн хэрэгсэлд тусгай дуут болон гэрэл дохио тавьж хэрэглэх” журмыг XII сарын 11-нд шинэчлэн баталсан байна.