Туркийн Станбул хотноо нисдэг тэрэг сүйрэх үеэр таван хүн амь үрэгдлээ. Тэдний дөрөв нь Оросын иргэд байв гэж Eczacibasi Group компанийн хэвлэлийн албанаас мэдээлжээ.
Одоо байгаа мэдээгээр нисдэг тэрэг нь Eczacibasi Group компанийх бөгөөд ослын үеэр түүнд 7 хүн явсны хоёр нь нисгэгчид, дөрөв нь компанийн зочин оросууд ба Туркийн нэг иргэн байв. Нисдэг тэрэг Ататюркийн нэрэмжит хисэх буудлаас баруун чиглэлд нисч яваад Станбулын Бююкчекмеже районы авто зам дээр унан сүйрчээ. Манантай байснаас нисгэгчид нь телевизийн цамхагыг харалгүй мөргөн унасан байна. “Нисдэг тэрэг сүйрсэн газарт наад зах нь таван цогцос байхыг олсон. Урьдчилсан мэдээгээр нисдэг тэрэг нь хувийн компанийх байжээ” гэж Бююкчекмеже районы захиргааны тэргүүн Хасан Акгюн хэлжээ.