Оросын цэргийн онгоцууд Сирид дөрвөн өдрийн турш 157 нислэг үйлдэж, алан хядагчдын 600 орчим объектод цохилт өгсөн талаар ОХУ-ын Батлан хамгаалах яамны албан ёсны төлөөлөгч Игорь Конашенков сэтгүүлчдэд мэдээлжээ. Тэрээр “Өнгөрсөн дөрвөн өдрийн турш Оросын агаарын цэргийн хүчний онгоцууд Сирид 157 нислэг үйлдэж, Алеппо, Дейр-эз-Зор, Хомс, Хама, Ракка, Латакия дахь алан хядагчдын 579 объектод цохилт өгсөн гэж” хэлсэн талаар ТАСС уламжилсан байна.
Игор Конашенковын мэдээлснээр, ОХУ-ын сөнөөгч онгоцууд Сирийн нутгаар дайран, Алеппо мужаас Турк рүү шатахуун тээвэрлэж явсан 23 автоцистернийг сөнөөжээ. “Террорист бүлэглэлийн орлогын эх үүсвэрийг үгүй хийхийн төлөө, ОХУ-ын байлдааны онгоц Ракка мужид шатахуун болон тос тосолгооны материалын агуулах, нефть шахах станцыг сөнөөсөн. “Су-34” бөмбөгдөгч онгоц Деир Еззор мужид байрласан террорист этгээдийн оршин суух цэгийг сөнөөж, 60 гаруй террорист этгээдийг устгасан. Дүүрэн тэсрэх бодис ачсан 3 ачааны машин, алсын тусгалтай их буу ачсан хоёр жийп машиныг сөнөөсөн” гэж тэрээр мэдээлжээ.