МАН-ын Удирдах зөвлөл өнөөдөр хуралдах товтой байсан ч Төрийн ордонд нам гүм байна. Ихэнхи гишүүд хөдөө гадааг зорьсон сурагтай.
Засгийн газрын тухай хуулийн дагуу засаг унаснаас хойшхи 30 хоногийн дотор УИХ-аар шинэ бүтцийг хэлэлцэж, батламжлах учиртай. Харин намын дүрмээрээ Удирдах зөвлөл дээр сайд нарын нэрийг тогтож, бүлгийн хурлаар гишүүдийн олонхийн дэмжлэг хүлээсэн эрхмүүдийг чуулганы хуралдаанд оруулах юм. Засгийн газрын энэ удаагийн бүтэц намын шинэ даргын томилгооноос хамааралтай байна.