Төрийн ордонд “Caffe Bene” кофе шоп өнөөдөр нээгджээ.
Энэ талаар Төр засгийн үйлчилгээг эрхлэх газраас “Төрийн ордны хоёрдугаар давхарт “Caffe Bene” кофе шоп өнөөдөр нээгдлээ.
Тендерийн хувьд өнгөрсөн нэгдүгээр сард зарлагдаж, шалгарсан. Дөрөвдүгээр давхарт үйл ажиллагаа явуулж байгаа GS25-ыг сонгон шалгаруулах үед кофе шопын тендер хамт зарлагдсан гэж ойлгож болно.
“Caffe Bene” франзчайз учир дотоод стандарт нэг байх ёстой гээд засвар нь удаан хийгдсэн” гэсэн мэдээллийг өглөө.
“Төрийн ордны мэдээлэл, үйлчилгээний цогцолбор” төрийн өмчит, аж ахуйн тооцоот газрыг татан буулгаж, ресторан, зоогийн газрууд, кофе шопын үйл ажиллагааг 2023 оны нэгдүгээр сарын 1-нээс зогсоосон юм.
Харин ААН-үүдийг сонгон шалгаруулж, түрээсийн үйлчилгээгээр үйл ажиллагааг явуулж эхлээд байгаа билээ.
Энэ нь Төрийн хэмнэлтийн хуулийн хэрэгжилт хэмээн ЗГХЭГ-ын дарга мэдээлж байв.