Төмөр замын вагон холбогч ажлаа хийж байгаад нас барсан хэрэг гарлаа. Энэхүү хэрэг өчигдөр “Амгалан өртөө”-ний хоёрдугаар зам дээр болжээ. Талийгаач нь Л нь 52 настай байсан бөгөөд туршлагатай холбогч байсан гэнэ. Тэрээр хүнд гэмтэл аваад эмнэлэгт хүргэгдсэн ч гэмтлээ даалгүй нас барсан байна. Мөн тус өртөөний ойролцоо 15 настай охин вагонд шүргүүлсэн мэдээллийг эх сурвалж хэллээ. Түүний биеийн байдал маш хүнд байгаа гэнэ.