Цус сэлбэлт судлалын үндэсний төв (ЦССҮТ) шинэ техник, технологи нэвтрүүлжээ. Тодруулбал, Монгол Улсын Засгийн газар, Азийн хөгжлийн банк хоорондын гэрээний дагуу “Эрүүл мэндийн салбарын хөгжил хөтөлбөр-5” төслийн хүрээнд Цусны албанд энэ он гарснаар олон шинэ технологийг нэвтрүүлж эхэлсэн байна.
Улсын II төв эмнэлгийн ард байрлах Эрүүл мэнд, спортын яамны харьяа Цус сэлбэлт судлалын үндэсний шинэ төв 3-4 тэрбум төгрөгийн хөрөнгө оруулалтаар нээгджээ. Дээрх төслийн хүрээнд Аферезийн аргаар олон төрлийн бүтээгдэхүүн үйлдвэрлэх, вирус идэвхгүйжүүлэх, цусан бүтээгдэхүүнийг рентген туяагаар шарах технологи зэрэг олон төхөөрөмжийг ажиллуулж байна. Дээрх төслийн хүрээнд орж ирсэн эдгээр аппаратуудыг АНУ-д үйлдвэрлэсэн ба орчин үеийн шинэлэг технологи юм байна.