Говь гурван сайханы байгалийн цогцолбор газрын хамгаалалтын захиргаа, “Ирвэс хамгаалах сан” ТББ-ынхан дэлхийд нэн ховордсон цоохор ирвэсний олон талт судалгаа хийхээр гэрээ байгуулсан юм. Мэргэжилтнүүд популяцын тоо толгойг тогтоох эхний шатны судалгаагаа өнгөрсөн сараас эхлүүлсэн билээ.
Тэгвэл тус байгууллагынхан цоохор ирвэсний гол тархац нутаг болох, Өмнөговь аймгийн Зүүнсайхан ууланд 11, Дундсайханд 10, Баруунсайханд ес, Баянцагааны нуруунд 11 ширхэг автомат камер байршуулжээ. Эдгээр камерийг ашиглан 40 хоног судалгаа хийх гэнэ. Сонирхуулахад, тус цогцолбор газарт байрлуулсан 94 камерт өнгөрсөн онд 179 цоохор ирвэс зургаа татуулжээ.
О.ӨНӨР