Монголын 20 орчим ястан угсаа гарал, нас хүйс, уур амьсгал, өмсөх зориулалт, зэрэг дэвээсээ шалтгаалан 400 орчим төрлийн дээл хувцас өмсгөл хэрэглэдэг гэнэ. Уран нарийн хийцээрээ гайхагдаж ирсэн монгол хувцасны шоу энэ баасан гаригт болох юм байна. Ур ухаан, хийсвэр сэтгэлгээний загваруудыг гайхуулах “Nomadic fashion show”-г “Женко тур бюро” компани Соёл спорт аялал жуулчлалын яамны дэмжлэгтэйгээр зохион байгуулахаар болжээ. Чингэс хааны морьт хөшөөт цогцолборын гадна талбайд болох энэ шоунд Төрийн соёрхолт дуучин Д.Болд, дуучин С.Наран, Морин хуурын чуулга зэрэг хамтлаг дуучид ая дуугаа өргөх аж. Шоуны VIP тасалбар нь 180000, энгийн тасалбар нь 80000 төгрөг гэж зохион байгуулагчид нь өчигдөр мэдээлэв. Тасалбарын үнэд автобус үйлчилгээ, уух зүйл багтах аж.
Б.ГАНЧӨДӨР