“Бага насны хүүхдийн хүчирхийллээс ангид байх орчинг дэмжих нь” төслийн хүрээнд бага насныханд зориулсан “Цэцэн, Мэргэн хоёрын сонирхолтой түүх” нэртэй хүүхэлдэйн кино нээлтээ хийлээ.
Уг хүүхэлдэйн кино нь гурван ангитай юм байна.
1-р анги Миний бие Миний эрдэнэ
2-р анги Учиртай тоглоом Ухаантай шийдвэр
3-р анги Аюулын дохио Авралын дүрэм
Энэхүү “Бага насны хүүхдийн хүчирхийллээс ангид байх орчинг дэмжих нь” төслийг Монголын эмэгтэйчүүдийн сангаас санаачлан, олон улсын Ананда сангийн дэмжлэгтэйгээр хэрэгжүүлж байгаа аж.
Төслийн хүрээнд бага насны хүүхдийг хүчирхийллээс урьдчилан сэргийлэх сургалтын хөтөлбөр боловсруулж, түгээх, хүчирхийллээс урьдчилан сэргийлэх асуудлаар олон нийтийн ойлголт, мэдлэгийг нэмэгдүүлэх чиглэлээр үйл ажиллагаа явуулж байна.
Мөн сургуулийн өмнөх боловсролын системд сургалтын хөтөлбөрийг оруулахаар зорин ажиллаж байгаа бөгөөд сургалтын материал хэрэглэгдэхүүн зэрэг нь бага насныхан мөн эцэг эхчүүд, багш сурган хүмүүжүүлэгчдэд ойлголжтой, ашиглахад хялбар байдлаар боловсруулан хийгдсэн. Сургалтын материалын нэг хэсэг болох бага насныханд зориулсан Цэцэн, Мэргэн хоёрын сонирхолтой түүхээр хийсэн хүүхэлдэйн кино бүтээгдэн нээлтээ хийж байгаа нь энэ юм.
Төсөлд
- Архангай аймаг 8-р цэцэрлэг, Чулуут сумын цэцэрлэг
- Баянхонгор аймаг 10-р цэцэрлэг, Богд сумын цэцэрлэг
- Дорнод аймаг 12-р цэцэрлэг, Хөлөн буйр сумын цэцэрлэг
- Баянзүрх дүүргийн 6-р цэцэрлэг
- Баянгол дүүргийн 114-р цэцэрлэг
- Сонгинохайрхан дүүргийн 117-р цэцэрлэг
Хан-Уул дүүргийн 28-р цэцэрлэг - Багануур дүүргийн 139-р цэцэрлэг хамрагдаж байна.
Төсөлд хамрагдаж буй цэцэрлэгүүд төсөл хэрэгжсэнээр дараах үр дүнгүүд гарна гэж хүлээгдэж байна.
- Хүүхдийн эрх хамгаалах чиглэлээр ажилладаг төрийн болон ТББ-уудын хамтын ажиллагаа нэмэгдэнэ.
- Сургуулийн өмнөх боловсролын хөтөлбөрт хүүхэд болон багш нарт зориулсан “Good/Bad touch” сургалтын агуулгад ороход бэлэн болно.
- Хүүхдүүд өөрийн болон бусдын бие махбодийн халдашгүй дархан байдлыг хүндэтгэх, хүчирхийллээс урьдчилан сэргийлэх мэдлэг, чадвартай болно.
- Сургуулийн өмнөх боловсролын байгууллагууд сургалтын орчинд хүүхдийг хүчирхийллээс хамгаалах орчинг бүрдүүлэх мэдлэг чадвартай болж, бэлтгэгдэнэ.
- Бага насны хүүхдүүдийн өөрийгөө илэрхийлэх, хүчирхийлэлтэй холбоотой болно, болохгүйн ялгааг сайн мэддэг болно.
- Эцэг эх/асран хамгаалагчид хүүхдээ хүчирхийллээс урьдчилан сэргийлэх, хамгаалах, яаралтай үед авах арга хэмжээний талаар мэдлэг, чадвартай болно.
- СӨББ-ын багш ажилтнууд, хүүхдийн эсрэг бэлгийн хүчирхийллээс хамгаалах,
урьдчилан сэргийлэх арга техник эзэмшсэн мэргэжилтэн болж бэлтгэгдэнэ - Шийдвэр гаргагчид болон олон нийтийн, бага насны хүүхдийг хүчирхийллээс урьдчилан сэргийлэх мэдлэг нэмэгдэнэ.
Б.ОЮУНЖАРГАЛ