“Хууль тогтоомж сурталчлах нэгдсэн арга хэмжээ”-г өнөөдөр Чингисийн талбайд зохион байгуулна. Энэ хүрээнд Улсын бүртгэлийн ерөнхий газраас /УБЕГ/ хаяж үрэгдүүлсэн цахим үнэмлэх олгох, гадаад пасспорт сунгах үйлчилгээг иргэдэд үзүүлэх юм. Уг үйл ажиллагааг дүүрэг бүрт зохион байгуулж байна. Өнөөдрийн хувьд Чингисийн талбайд Сүхбаатар дүүргийн иргэдэд хүргэх юм. Иргэд цахим үнэмлэх, гадаад пасспортоо захиалсан тохиолдолд өдөртөө олгогдоно гэдгийг сануулъя. Цахим үнэмлэх, гадаад пасспорт захиалахад шаардлагатай бичиг баримт, дэлгэрэнгүй мэдээллийг ЭНД-ээс харна уу.
Энэ үйл ажиллагаа 11.00-16.30 цаг хүртэл үргэлжилнэ. Мөн Цагдаагийн ерөнхий газраас иргэдэд хуульзүйн зөвлөгөөг үнэгүй өгнө. Архивын ерөнхий газраас лавлагаа, баримт гаргаж иргэдэд тусална. Иргэний харьяалал шилжилт хөдөлгөөний газраас мэдээлэл, заавар зөвлөгөө өгч байгаа аж.