Хан-Уул дүүргийн худалдан авах ажиллагааны албанаас зарласан энэ оны хамгийн эхний цахим тендерийн нээлт боллоо. Дүүргийн төсвийн хөрөнгөөр санхүүжих “Хан-Уул” дүүргийн Эрүүл мэндийн төвийн хэвтэн эмчлүүлэх тасгийн засварын ажлын гүйцэтгэгчийг сонгон шалгаруулах ажлын тендерийн нээлт 2015 оны гуравдугаар сарын 11-ны өдрийн 11.30 цагт Хан-Уул дүүргийн Худалдан авах ажиллагааны албаны өрөөнд болсон юм. Нээлтэнд хоёр компани оролцов.